సడన్ గా చూసి వీరంతా అమ్మాయిలే అనుకున్నారా ? అయితే మీరు పప్పులో కాలేసినట్లే. కేరళలోని కొల్లాం జిల్లాలో ఓ వింత ఆచారం వెలుగులోకి వచ్చింది. శ్రీ కొట్టంకులంగర దేవి ఆలయంలో ఏటా నిర్వహించే ‘చమయవిళక్కు‘ ఉత్సవాల్లో పురుషులు మహిళల్లా ముస్తాబవుతారు. చీరలు ధరించి, బంగారు ఆభరణాలతో మెరిసిపోతూ అమ్మవారికి ప్రత్యేక పూజలు చేస్తారు. మార్చి నెలలో రెండు రోజుల పాటు జరిగే ఈ ఉత్సవానికి వేలాదిమంది భక్తులు తరలివస్తారు. అమ్మాయిల్లా ముస్తాబైన పురుషుల వీడియోలు సోషల్ మీడియాలో వైరల్ అవుతున్నాయి. ఈ ఆచారాన్ని చూసి అందరూ ఆశ్చర్యపోతున్నారు.
