కేంద్ర ప్రభుత్వం మోటారు వాహన చట్టంలోని 106(2) హిట్ అండ్ రన్ కి సంబంధించిన సెక్షన్ ని ఇప్పట్లో అమలు చేయమని ఇప్పటికే కేంద్ర హోంశాఖ సెక్రెటరీలు ప్రకటించారని రవాణా, బీసీ సంక్షేమ శాఖ మంత్రి పొన్నం ప్రభాకర్ అన్నారు. ఒకవేళ భవిష్యత్ లో అమలు చేయాల్సి వస్తే డ్రైవర్స్ & లారీ ఓనర్స్ ని పిలిచి మాట్లాడతామని ఆ తరువాతనే అమలు చేస్తామని కేంద్ర ప్రిన్సిపల్ సెక్రెటరీ అజయ్ భల్లా ఇప్పటికే హామీ ఇచ్చి ఉన్నారన్నారు. కాని కొన్ని గుర్తింపు లేని సంఘాలు రేపటి నుండి లారీ ల సమ్మె చేయాలని భావిస్తున్నారని.. సమ్మెని గుర్తింపు పొందిన సంఘాలతో పాటు మెజారిటీ సంఘాలు వ్యతిరేకిస్తున్నాయని ఆయన అన్నారు. ఇది సరైంది కాదని కొత్త చట్టం రాష్ట్ర పరిధిలోనిది కాదని, కేంద్ర ప్రభుత్వ పరిధిలోనిదని పొన్నం ప్రభాకర్ అన్నారు.
లారీ డ్రైవర్లు సమ్మె పై పునరలోచించాలని మంత్రి విజ్ఞప్తి చేశారు. లారీ డ్రైవర్లు సమ్మె చేయవద్దని, సమ్మె లోకి వెళ్తే సామాన్య ప్రజలు ఇబ్బందులు పడే అవకాశం ఉందన్నారు. వెంటనే సమ్మె పై పునరలోచించాలని కోరారు. ఇప్పటికే కేంద్ర ప్రభుత్వం ఈ చట్టాన్ని ఇప్పటికిప్పుడు అమలు చేయడం లేదని ఇది అందరికి కాకుండా.. ప్రమాదం జరిగిన తరువాత హిట్ అండ్ రన్ కి పాల్పడే వారికి మాత్రమే వర్తిస్తుందని రవాణా శాఖ అధికారులు, లారీ ఓనర్స్ అసోసియేషన్ తో పలు సంఘాలు డ్రైవర్స్ యూనియన్స్ కి అవగహన కల్పిస్తున్నాయి. సమ్మె లోకి కొన్ని డ్రైవర్ సంఘాలు మాత్రమే వెళ్తున్నాయని దానిని లారీ సంఘాల వాళ్ళు కూడా వ్యతిరేకిస్తున్నాయన్నారు. భవిష్యత్ లో ఇబ్బందులు కలగకుండా ప్రభుత్వం లారీ ఓనర్స్ మరియు డ్రైవర్స్ యూనియన్లను పిలిచి మాట్లాడతామని మంత్రి పొన్నం ప్రభాకర్ తెలిపారు.
 హిట్ అండ్ రన్ కి సంబంధించిన సెక్షన్ ని ఇప్పట్లో అమలు చేయమని ఇప్పటికే కేంద్ర హోంశాఖ){kind=link}