హిమచల్ ప్రదేశ్ శాసనసభలో సభ్యుల పెన్షన్లు, అలవెన్సులు సవరణ బిల్లు-2024ను ముఖ్యమంత్రి సుఖ్వీందర్ సింగ్ సుఖు ప్రవేశపెట్టారు. ఈ బిల్లులో, పార్టీ ఫిరాయింపు నిరోధక చట్టం కింద అనర్హత వేటు పడిన ఎమ్మెల్యేలకు పెన్షన్ లభించదని స్పష్టంగా పేర్కొన్నారు.
హిమాచల్ ప్రదేశ్ ప్రభుత్వం పార్టీ మార్పులపై కీలక నిర్ణయం తీసుకుంది. పార్టీ మారిన ఎమ్మెల్యేలకు ఇకపై పెన్షన్ సదుపాయం ఉండదని ఈ బిల్లులో పేర్కొన్నారు. ఈ నిబంధన ఫిరాయింపు నిరోధక చట్టం కింద అనర్హత వేటు పడిన ఎమ్మెల్యేలకు వర్తిస్తుంది. ఈ బిల్లును రాష్ట్ర అసెంబ్లీ బుధవారంనాడు చర్చ అనంతరం మూజువాణి ఓటుతో ఆమోదించింది. రాజకీయ ప్రయోజనాల కోసం అవినీతిని ప్రోత్సహించే వారిని కట్టిడి చేసేందుకు మరియు ప్రజాస్వామ్యాన్ని బలపర్చడం కోసం ఈ బిల్లు అవసరమని ముఖ్యమంత్రి వ్యాఖ్యానించారు.
#WATCH | On the new anti-defection bill passed by Himachal Pradesh Assembly, CM Sukhvinder Singh Sukhu says, "…They want to gain political benefits through such corrupt practices. This Bill was essential to be introduced to strengthen democracy. Our Assembly passed it today… pic.twitter.com/O2HlKnkaqV
— ANI (@ANI) September 4, 2024
