ఢిల్లీ లిక్కర్ స్కామ్ కేసులో బీఆర్ఎస్ ఎమ్మెల్సీ కవితకు ఈడీ నోటీసులు ఇచ్చింది. ఈ కేసులో ఇదివరకే అరుణ్ పిళ్లైని ఈడీ అరెస్ట్ చేసింది. ఈ నెల 10న ఢిల్లీలోని ఈడీ కార్యాలయానికి విచారణకు హాజరు కావాల్సిందిగా నోటీసులు పంపింది. ఇదివరకే ఈ కేసులో ఎమ్మెల్సీ కవిత సీబీఐ దర్యాప్తును ఎదుర్కొన్నారు. హైదరాబాద్లో ఆమె నివాసంలోనే విచారించారు. తాజాగా ఇప్పుడు ఈడీ నోటీసులు జారీ చేయడంతో రాజకీయ వర్గాల్లో సంచలనంగా మారింది.
ఢిల్లీ లిక్కర్ స్కామ్ లో అరుణ్ పిళ్లైని అరెస్ట్ చేసిన ఎన్ ఫోర్స్ మెంట్ డైరెక్టరేట్ ఆయన నుంచి కీలక వివరాలు రాబట్టినట్లు సమాచారం. ఈ లిక్కర్ స్కామ్లో కవితకు సంబంధించిన పలు వివరాలు కూడా వెల్లడించాడని సమాచారం. ఈ నేపథ్యంలో కవితకు ఈడీ నోటీసులు జారీ చేయడం సర్వత్రా ఆసక్తి నెలకొంది. రామచంద్రపిళ్లై రిమాండ్ రిపోర్టులో ఎమ్మెల్సీ కవిత పేరు మరోసారి ప్రస్తావనకు వచ్చింది. ఢిల్లీ లిక్కర్ స్కామ్ లో పిళ్లైను అరెస్ట్చే సిన ఈడీ, రిమాండ్ రిపోర్టులో ఎమ్మెల్సీ కవిత పేరును ప్రస్తావించింది. పిళ్ళై కవితకు బినామీగా ఉన్నారన్న ఈడీ, పిళ్లై తాను కవిత ఆదేశాల మేరకే పని చేసినట్లు ఈడీకి తెలిపారు.
ఇండో స్పిరిట్ స్థాపనలో పిళ్ళై కీలకపాత్ర పోషించారని, మూడున్నర కోట్లు పెట్టుబడి పెట్టినట్లుగా పేపర్లపై పిళ్ళై చూపారని ఈడీ తెలిపింది. దానికి ప్రతిఫలంగా కవిత ఆదేశాలతో అరుణ్ రామచంద్ర పిళ్ళైకు కోటి రూపాయలు ఇచ్చినట్లు రిపోర్టులో తెలిపింది. చట్ట సభల్లో మహిళా రిజర్వేషన్ కల్పించాలని ఈనెల 10న తేదీన ఢిల్లీలోని జంతర్ మంతర్లో ఎమ్మెల్సీ కవిత ధర్నాకు పిలుపునిచ్చారు. దానికి ఒకరోజు ముందుగానే 10వ తేదీన విచారణకు హాజరు కావాలంటూ ఈడీ నోటీసులు జారీ చేయడం రాజకీయ వర్గాల్లో చర్చనీయాంశంగా మారింది.
