TSPSC చైర్మెన్, సభ్యుల నియామకానికి ధరఖాస్తులు ఆహ్వానం

తెలంగాణా రాష్ట్ర పబ్లిక్ సర్వీస్ కమీషన్ లో ఖాళీగాఉన్న చైర్మన్, సభ్యుల నియామకానికి అర్హులైన వారి నుండి దరఖాస్తులను ప్రభుత్వం ఆహ్వానిస్తుంది. ఇందుకు గాను దరఖాస్తుల నమూనా పత్రాలను www.telangana.gov.in లో అందుబాటులో ఉంచడం జరిగింది. టీ.ఎస్.పి.ఎస్.సి చైర్మన్ , సభ్యుల పదవులకు కావాల్సిన అర్హతలు, ఇతర వివరాలు ప్రభుత్వ వెబ్-సైట్ లో ఉంచడం జరిగింది. అర్హులైన వారు తేదీ.18.01.2024 సాయంత్రం 5 గంటలలోపు నిర్ణీత దరఖాస్తులను ఆన్-లైన్, ఈ-మెయిల్ secy-ser-gad@telangana.gov.in ద్వారా అందచేయాలని తెలిపారు. ఈ నియామకాలు, స్వీకరించిన దరఖాస్తుల నుండి, లేదా ఇతరత్రా గాని, ప్రభుత్వం ద్వారా నియమించిన సెర్చ్ కమిటీ లేదా స్క్రీనింగ్ కమిటీ ద్వారా చేయబడునని నేడు విడుదల చేసిన ఒక అధికార ప్రకటనలో తెలిపారు.