అమెరికాలోని టెక్సాస్లో 90 అడుగుల ఎత్తు ఉన్న హనుమంతుడి కాంస్య విగ్రహాన్ని తాజాగా ప్రదిష్టించారు. ఈ విగ్రహం టెక్సాస్లోనే అత్యంత ఎత్తైనదిగా, అమెరికాలోనే అతిపెద్ద మూడవ స్థానంలో నిలుస్తుంది. దీన్ని ‘స్టాట్యూ ఆఫ్ యూనియన్’ (ఐక్యతా విగ్రహం) అని పేరు పెట్టారు. ప్రపంచంలో ఉన్న ఎత్తైన విగ్రహాల జాబితాలో ఈ విగ్రహం స్థానాన్ని పొందింది. న్యూయార్క్లో ఉన్న స్టాట్యూ ఆఫ్ లిబర్టీ (151 అడుగులు) మరియు ఫ్లోరిడాలోని హలాండలే బీచ్లో ఉన్న పెగాసస్ అండ్ డ్రాగన్ (110 అడుగులు) విగ్రహాలతో పోలిస్తే, ఈ హనుమంతుడి విగ్రహం క్షేత్రంలో మూడవ స్థానంలో నిలుస్తుంది. భారతదేశం బయట అతిపెద్ద హనుమంతుడు విగ్రహంగా ఇది రికార్డుకెక్కింది.
సుగర్ ల్యాండ్లోని శ్రీ అష్టలక్ష్మి ఆలయంలో ఈ నెల 15 నుంచి 18 వరకు అత్యంత వైభవంగా నిర్వహించిన ప్రాణప్రతిష్ఠ మహోత్సవం సందర్భంగా ఈ స్టాట్యూ ఆఫ్ యూనియన్ హనుమంతుడి విగ్రహాన్ని శ్రీ చినజీయర్ స్వామి చేతుల మీదుగా ప్రతిష్ఠించారు. ఈ వేడుకలో హెలికాప్టర్ ద్వారా భక్తులపై పూలు మరియు పవిత్ర జలాన్ని చల్లారు. అలాగే, 72 అడుగుల దండను విగ్రహం మెడలో ఉంచారు.
The Pran Pratishtha ceremony of the 90-foot-tall Hanuman statue was held on August 18 at Houston, Texas. The statue, named the "Statue of Union," is now the third tallest statue in the United States. The statue stands as a tribute to Lord Hanuman's role in reuniting Sri Rama and… pic.twitter.com/TR2fl1xK2d
— SuryaKantham (@Kantham1897) August 21, 2024
