హైదరాబాద్‌లో మరో వ్యభిచార ముఠా గుట్టు రట్టయింది. గుట్టుచప్పుడు కాకుండా వ్యభిచారం నిర్వహిస్తున్న ముఠాపై సైబరాబాద్ యాంటీ హ్యూమన్ ట్రాఫికింగ్ అధికారులు దాడులు చేపట్టి వారిని రెడ్‌హ్యాండెడ్‌గా పట్టుకున్నారు. మాదాపూర్ మెగాహిల్స్‌లో స్పా ముసుగులో వ్యభిచార కార్యకలాపాలు నిర్వహిస్తున్న ఇద్దరిని సైబరాబాద్ యాంటీ హ్యూమన్ ట్రాఫికింగ్ అధికారులు శుక్రవారం రాత్రి అరెస్ట్ చేశారు. మాదాపూర్ లోని మెగాహిల్స్‌లో నిర్వహిస్తున్న స్పాలో వ్యభిచారం జరుగుతున్నట్లు అధికారులకు సమాచారం అందింది. అందిన సమాచారంతో వెంటనే అధికారులు దాడి చేశారు. ఇద్దరు నిర్వాహకులను, ఒక విటుడిని అరెస్ట్ చేశారు. విశాఖపట్నం, రాజమండ్రి, కూకట్ పల్లి ప్రాంతాలకు చెందిన ముగ్గురు యువతులను అదుపులోకి తీసుకున్నారు. వారిని వ్యభిచార నరక కూపం నుంచి అధికారులు రక్షించారు.
